Noregs vassdrags- og energidirektorat (NVE) har i brev av 12. mai 2026 motteke informasjon frå Statnett om eit sørlegare alternativ for ein ny 420 kV kraftleidning mellom Samnanger og Øygarden transformatorstasjonar.
Brevet frå Statnett er eit svar på NVE si førespurnad av 4. april 2025. Det sørlege traséalternativet går gjennom Samnanger, Bergen og Askøy kommunar i Vestland fylke.
Tilleggsopplysningane frå Statnett og meldinga deira med forslag til utgreiingsprogram er tilgjengeleg på NVE sine internettsider www.nve.no/19275/A.
Høyringsinnspel frå høyringa av meldinga og alle saksdokument er tilgjengeleg via offentleg postjournal:
eInnsyn - Statnett SF - Melding - Ny 420 kV forbindelse Samnanger - Øygarden / Kollsnes - Kommunene: Samnanger, Øygarden, Vaksdal, Osterøy, Alver og Askøy - Vestland – 2024/2439 – Norges vassdrags- og energidirektorat.
Høyringsfråsegn kan sendast til NVE innan 26. juni 2026.
Gjennom høyringa ønskjer NVE å få innspel på den sørlege traseen, og innspel på Statnett sine tilleggsopplysningar.
Alle som har meiningar kan sende fråsegn på ein av følgjande måtar:
▪ via skjema for fråsegner, som de finn på NVE sine internettsider
▪ via e-post til nve@nve.no (merk e-post med «Høyringsuttale» og saksnummer 202402439 i emnefeltet, og skriv namn og/eller organisasjonsnummer i innleiinga)
▪ via brev til NVE, Postboks 5091, Majorstuen, 0301 OSLO